اخبار ام هلال

ام هلال تقوووووووووول

ان واحد من الحرامية – وياكثر الحرامية اللي بالديرة – وصل له خبر ان في شاب جميل ووسيم و عريض المنكبين يقعد بكل ديوانية ويسف ويتف فيه

تضايق الحرامي وايد ...

وبعد التمحيص والتقحيص عرف شوية معلومات عن هالشاب الحليوه وعرف انه يشتغل طيار
قام الحرامي ونادى الطيار عنده
وقال له يا طيار .. شبيك لبيك انا الحرامي بين ايديك ... اشتبي ؟ آمر تدلل قول غلطة وانا المسؤول

قام الطيار وقال له انت و انت وتركتك وفعلتك وانا الشجاع البطل المهاب اللي ما اخاف منك ولا من عشرة من اشكالك

ابتسم الحرامي وقام ولم الطيار وقال له .. قول عني ماتقول ... راح اظل احبك ومازعل منك

استغرب الطيار !! وقعد يكلم نفسه ويقول هذا اشفيه !! لايكون ماسمعني عدل
فقام وردد كلامه ... انت و انت وتركتك وفعلتك وانت ماتستحي يالحرامي يالبواق كخ كخ دودو

وهم قام الحرامي وضحك بس هالمره ما لم الطيار ... حط ايده بمخباته وطلع الورقة السحرية

الطيار تدوده
بغى يغمى عليه
فرك عينه مره ومرتين
بيصدق اللي جدامه مو قادر
وتحول من اسد لى قطو

الله يسلمكم
الحرامي طلع للطيار عقد عمل بمبلغ خيالي ماكان يحلم بربعه في احدى شركات الطيران اللي يمتلكها الحرامي خارج البلاد
وفوق هذا .. عينه بمنصب كبير هناك ... وعطاه الخيط والمخيط ... وسكن خمس نجوم ... وفر له ((كل)) مالذ وطاب ... وصارو اكثر من الربع ... وياويله ياويله ياسواد ليله اللي يغلط على عمه الحرامي بوجوده
قدر هالحرامي بمكره و خبثه انه يحول احد اكبر انداده لخاتم باصبعه ... وهالسياسه متبعه مع كل من يحاول انه يدوس له على طرف

الغريب بالامر ان الطرفين (الحرامي والطيار) لهم موقف سلبي من (طوووووووووط) و ناوين على نية قشره (طووووووووووووووط) -مقص الرقابه-

ترا نيتهم أبعد مما تتصورون ..

اقول حرامي ... ترا انا قاعده احش فيك .. همتك معاي وحطني بالمكان اللي ابيه علشان اسكت ... بلا مرمطه وغربه ومدابج ورا الشهاده ... ولا انت اشرايك ؟؟ علشان بالبوست الياي احط قصة بنت الخباز وولد السلطان
;p