استجواب نوريه عند الصقر !!

يقيم

التحالف الوطني الديمقراطي

ندوة بعنوان

(قراءة وطنية لاستجواب وزيرة التربية)

يشارك بها كل من :

محمد الصقر

علي الراشد

فيصل الشايع

عادل الصرعاوي

د.موضي الحمود

و ذلك يوم الابعاء 26 ديسمبر 2007

في ديوان محمد الصقر بمنطقة الشامية ق 9 شارع ابن بطوطه

في تمام الساعة 7 مساءاً.

*******************************

و انشالله راح نكون متواجدين ونغطي لكم الندوة :)

مساء الخير يا وطني

مساء الخير اعزائي عيدكم مبارك
كل عام و انتم بخير

كل عام

كل يوم

كل ساعه

كل لحظه

و وطني بخير

و (جاري البحث) عن كلمة أبارك لج انا فيها

كويتنا عيدج مبارك عيونج فرحة الاعياد يا ويه الخير ...

أيامج عسى ربي يحليها

يموت الحزن لي شفتج و شوفج للفرح ميلاد

استمتعو بالعيد و رفقاً بالخرفان :))

شنسميه ؟

اخيرا ً ... بعد انتظار طويل اخيراً ...

تحققت لي احد احلامي الي انتظرتها

امس لمن يت عيني بعينه لاول مره ...

حسيت بعيونه شي غريب احتياج للحنان

و مع اني كنت خايفه اشيله....لكن من شفت هالنظره لا شعوريا شلته وحضنته

كنت ناطرته ايي يملي علي حياتي

يسليني بضيقتي

القاه وفي لي طول عمره

اخيراً صار بحضني..

.احس فيه ويحس فيني

و اسعد اوقاتي لمن ارعاه

اوكله و اشربه

انظفه

نطلع مع بعض

بـــــس في مشكله

انا للحين مو محصلتله اسم حلو

و ابي تقترحون اسمه معاي علماً بأنه ذكر

بس بالاول شوفو الصور علشان يعرفون تحددون الاسم

هوب

هوب

لحظه

قبل كل شي صلو عالنبي انا خايفه عليه من الحسد

-

-

-

-

-

-

-

-

-

-

-

-

-

-

-

-

شوفوه اش حلاته ... اهني توه قاعد من النوم اهو وكشته

اهني معاقبته ... قلت له ارفع ايدك و وشك للحيط



بعد ما تسبح و فرش اسنانه و مشط شعره :P

وااااااي سلم قلبه :)

اشلون يطمر جلوبي...اشلون يطمر جلوبي

صاعد النخله بينزل لنا عثق الخلال

يشم الورده :) و عقب ما شماها قعد يعاطس

يالله طلعلولي اسم حق هالحلو :)

شكرا

مذكرات الدكتور أحمد الخطيب

لم اتمكن من الحصول عليها اثناء فترة منعها في الكويت

و فور اجازتها من قبل الرقابة اهداني اياها أحد الأصدقاء ...

فعلاً انها هدية قيمة

شكرا لك صديقي العزيز

شكرا من القلب

تداخل السلطات....الى متى؟

صباح الخير للي قاعد يقرا البوست الصبح

مساء الخير للي قاعد يقرا البوست بليل

بدعوة من الجمعية الثقافية النسائية حضر ندوة (تداخل السلطات...الى متى؟) اي والله لي متى !!

محور الندوة كان عن التعدي الحاصل على المادة 50 من الدستور والي تنص على ان

يقوم نظام الحكم على اساس فصل السلطات مع تعاونها وفقا لاحكام الدستور. ولا يجوز لأي سلطة منها النزول عن كل او بعض اختصاصها المنصوص عليه في هذا الدستور.

لحظه قبل ما نبدي بأي شي ....شكل المصورين ذكرني بـــــــ

نادري الرماية و مسابقات التراب و الدبل تراب

بس يا ترى ... منو المستهدف من الحضور ؟؟؟

يالله نبدي









في البداية تحدث السيد مشاري العنجري

و بعده تحدث السيد عادل الصرعاوي عن ما نعانيه بالوقت الحاضر و هو نتاج السنوات السابقه

و يجب التحول من (فساد الى لا فساد) و من (لا قانون الى قانون) الظاهر انه متضامن مع مدونة بيت القرين

بـــ لأ

:)

بس شوفو حركة الصرعاوي بالصور مادري ليش حسيت انه قاعد يغني

محال

محال

محاااااااااااااااااال

ذكرني بــ

بو خالد





نرجع حق موضوعنا

تكلم بعدهم الدكتور علي الزعبي عن وجود الفساد

...في ظل وجود اعضاء مستميتين للعودة للبرلمان

عدم وجود اجندة للعمل

ضبابية الحكومة

مصالح شخصية

و بين ان هناك 9 معايير للدولة الفاشله :( ادري كلمة فاشله تعور القلب
و اهم هذي المعايير
وجود جماعات الانتقام وهذا المعيار حاضر و بقوه بالمجلس
و خصوصا ان القوى السياسية اصبحت تتخذ مواقفها بناءاً على الاشخاص و ليس الموقف

و بعدين يا جماعة الخير يا دور الدكتور عادل الصبيح

و تكلم عن التداخل الخفي الحاصل بين السلطتين التنفيذية والتشريعية
و انصراف الولاء من الدولة الى الولاء للحزب و العائلة و القبيلة


و في الآخر نصح المجلس بضبط ( ايقاع ) نفسه بنفسه

بس ما قال لنا يبيهم يضبطونه عالوحده والنص ولا السامري ؟؟؟؟

بــــــــــــالنــــــــــــــــــهـــــــــــــــــــايـــــــــــــــــــــــة

بما ان تكلمنا عن تداخل السلطات

عندي لكم مقادير خوش سلطة

المقادير:

اربع أكواب خس .

كوب شرائح ملفوف أبيض .

كوب شرائح ملفوف أحمر .

ثلث كوب فلفل حار ( هالابينو) مخلل شرائح .

كوب ذرة

نص كوب طماط (و الي مايحب مثلي ممكن يستغني عنه)

كوب جبن شيدر مبشور .

جبس ناجوز ( تورتيللا ) مكسر .

صلصة فرنسية جاهزة . .


شفتو كل هالاغراض ؟؟؟ اتييبونهم و تخلطونهم مع بعض
و يصير عندكم اكله اسمها (تداخل السلطات ) بس مو الى متى هالمره الى اين ؟؟؟ الى بطونكم بالعافيه



حياتي من غيركم سلطه