أعتذر عن غيابي بالفترة الماضيه
و أشكر كل من سأل عني و نطر مواضيعي
انتابتني حالة غريبة
مزيج من فقدان الأمل
الخوف من المجهول
الاكتئاب
العجز
و اللي زاد الوضع سوء
العنف اللي تشهده أرضي
التباهي بالتمرد على القانون
الحرمنه
ناس تحرج على (أصواتها) للي يدفع أكثر بدون ذمة و لا ضمير
و ناس بتعطي صوتها لمرشح آخر نظير خدمة أو معاملة
معارك
الشيعة والسنة
البدو والحضر
السلف و الأخوان
التحالف و المنبر
قولولي لي وين رايحين؟
بعرف بفهم يا ناس
شلي قاعد يصير
!!
حسيت اني محتاجه لشخص يفهمني
شخص يرد فيني روح العزيمة والاصرار والتحدي
شخص يحسسني ان الدنيا للحين بخير و يخليني اتفاءل
و لقيته الليلة
لقيته يتكلم عن كل اللي بقلبي كأنه حاس فيني
كلمني بلغة العقل
و بلغة الهارب من وطنه إلى وطنه
ما أجذب عليكم
نزل دموعي
و خلاني أبجي
بس بنفس الوقت .. ضحكني و خلاني ما أترك مكاني الا و انا متفائله
بس الغريب بالأمر ان هالشخص
ما كان معاي
و الأغرب ان تأثيره كبير علي و على كلمن حضر
أحمد الربعي
تأثيرك موجود ولو كنت غايب
مازلت تمدنا من عزيمتك و قوتك
أنت اللي كنت محتاجته
و لقيته
أحمد الربعي
حضورك كان طاغي
بالرغم ان المكان كان مليء بالأجساد
إلا ان روحك الطاهرة أبت الا ان تفرض نفسها
أحمد الربعي
توقعت اني حاضرة تأبين
لكني أدركت اني حاضرة جلسة للتفاؤل و اعادة روح الاصرار
