back

عدنا
و العود أحمد
و خالد
و عبدالله
و الربع كلهم
:p

فريج سعود
ما قبيت يا يبا و الله الكويت حلوة بغبارها وحرها و رطوبتها

على طاري الغبار
سوا فينا هوايل بالنزلة

خلا الطيارة تخظنا خظظظظظظظظ

أنا اللي ما اخاف من الطيارة خفت و تجلبت بجم أبوي

:))

ولهت عليكم

و على طاري الغبار بعد

الطيارة تأخرت عن الاقلاع بسبب الغبار بعد

فقعدت اتسلى بالجرايد بالمطار

و شفت هالخبر بأحد الجرايد البحرينية

!!!

مؤذذذذذذذذذذن !!

و داش بيت الناس خلسة !!

علشان منو؟

علشان علاقة مع الخدامة !!

و ياليته عزوبي جان يمكن عذرناه!

الريال معاه مرته و اعياله الاربعة

!!

و هم داش بيت الناااااس عند الخدامة

!!

و الله حاله

يقولون ان الخدامة الثانية طاحت عليهم و اطلعت للشارع اتصرخ

و مؤذنا العزيز حاول ينحاش وهو خاش ويهه

بس صادوه الشباب

;p

و الله يسلمكم الخدامة شتقول !!

تقول انه اهو يدخل عندها بقصد (تقبيلها) فقط !!!

ههههههههههههههههه

اعجبتني الصراحة

الحبيب شيصيرله ياسر عرفات !!!

و المحكمة احكمت بحبسه 3 شهور و ابعاده عن البلاد

بس الاستئناف خففت الحكم لي شهرين و ألغت أمر ابعاده عن البلاد

!!

ليش عاد !! أنا لو منهم احطه بقفص و على اول طيارة

لان هالاشكال اللي متسترين بالدين و يدعون العفاف والشرف و سوالف يعجبني حياؤك اهم اللي ينخاف منهم

و ما خفي أعظم

اجازة

سوف اغادر أرض الوطن باجازة قصيرة

لانجاز أحد المهام الصعبة

ادعوووووووووولي

dearkuwait

ديري بالج على حلالنا

:))

أشوفكم على خير

رافقت سموي السلامة بالحل والترحال

:p

حكايات من التراث الشعبي

صدق عبدالكريم يوم قال
البارحة دورت بأوراقي القديمة
لقيت بقايا أوراق من قصة أليمة

بعد عمليات البحث و التنقيب بين الدفاتر و الأوراق القديمة
طحت على شوية فايلات من التراث الجامعي

:)

يمكن بعضكم لحق عليها

هذا الفايل له ذكريات حلوه
مع انه اسود و امنيل :) بس اتفاءل فيه




و هذا الاستيكرز قصته قصه
هذا اعتقد من اصدارات الـ94 على اقل تقدير
ما لحقت عليه طبعا
بس اخوي لحق عليه و تناقلناه عبر الاجيال
و انا الحين خاشته حق اعيالي
:P~~




ألا تستحق التفكير !!

هالفايل يعور قلبي
مادري ليش !!



و هالفايل ماحبه لان كنت احط فيه أوراق مادة غثيييييييييثه




و هذا الفايل داش عرض
!!

فايل جمعية الشريعه !!
مادري اشيايبه عندي؟؟

أكيد عندنا عميل مزدوج بالبيت
:))

و هذا الفايل احبه حـــــب لا شعوري

لي درجة انه تهردق من كثر الاستعمال لكن جلدته و ظليت استخدمه لين تخرجت

المفروض يعطونه شهاده معاي :)

تحلطم

تحلطم

تحلطم

تحلطم

تحلطم

تحلطم

تحلطم

حـــــــــــــــــل

انتخابات

نتايج سيئه !!

حكومة أسوء !!

الرئاسة لا تعليق

نائب الرئيس لا تعليق من قلب !!

يا جماعه

العيب مو بالمجلس

العيب مو بالحكومة

العيب فيكم انتو

هذا نتاج اختياركم و الثمن راح ندفعه احنا واعيالنا

عالعموم

انا قلت ان انتخابات 2008 بتكون آخر نشاط سياسي لي و بحط كل ماعندي

و اذا ماشفت النتيجة المرجوه راح اعتزل السياسه و اخذ وضع المتفرج

راح اوجه جهدي لمجال آخر

و ارجع لكم د . وطن انشالله :)

عاد وقتها ارشح نفسي لانتخابات مجلس الامه

(هذا اذا في مجلس وقتها!!)

و اسقط

و يفوزون النطيحه والمترديه

و لا طبنا ولا غدا الشر

سباق الرئاسة

بعد ما خلصنا من معركة الانتخابات

بدت معركة الرئاسة

وردت اسماء اعلنت عن نيتها للترشيح للرئاسة

بعضهم تراجع

و البعض الآخر للحين مصمم على رايه

:)

-1-
منـــــو تتمنون انه يوصل للرئاسه هالمره ؟ و ليـــش ؟

-2-

منـــــــو تتوقعون انه صاحب الحظ الأوفر بالنجاح و الوصول لكرسي الرئاسة ؟

اهدا يا قلبي

-1-

اشلونكم

اشتقت لكم

تأخرت عليكم بس توني فقت من الصدمة !!

مابي اتكلم عن نتايج الانتخابات لأن كلكم شفتوها و ساهمتوا فيها بشكل مباشر و غير مباشر .... فاز من فاز و خسر من خسر ... مع اني كنت اتمنى اشوف (تغيير) على قد (التحلطم و التذمر) .. و كل اللي اتمناه من نوابنا الأفاضل انهم يهتمون بقضايا التنمية و تطوير البلد بعيدا عن الحلال و الحرام ... واللي يبي يعلمنا الحلال والحرام خل يتنازل عن كرسيه و يصير خطيب مسجد

-2-

كنا مجموعة ما تربطنا قرابة ولا حتى اي معرفة سابقة
بتقولون شنو اللي جمعنا !!

جمعنا (المبدأ) ... المبدأ اللي صار مفقود عند أغلب الناس

اجتماعنا رسالة واضحة تعبر عن مدى حرصنا على مستقبل بلدنا

(علي ... مطلق ... زينب ... خزنة ... خديجة ... هديل ... خالد .. نورة ... مريم ... أنور ... لطيفه... نوف )
اجتمعتوا بالرغم من اختلاف مذاهبكم و اطيافكم و قبائلكم
اجتمعتوا و شكلتوا توليفه جميلة من الحان مختلفة راح تظل تتغنى بحب الكويت مهما تعالت أصوات النشاز الطائفية و الرجعية

زميلاتي و زملائي بالعمل الوطني
(شكرا لكم من القلب)
كفيتوا و وفيتوا و كنتوا خير مثال للشباب الكويتي ... التزمتوا بنظافة حملتكم ومبادئكم
نعم خسرنا ...
لكن خسرناها بشرف

نعم فشلنا بالوصول للكرسي ...
لكن نجحنا بصناعة جيل وطني حر ... فالكرسي ماكان هدفنا ... الكرسي كان وسيلة لخدمة هالارض .. بس راح نظل نخدمها بكل مكان و بكل وقت

تشرفت بمعرفتكم و بالعمل معاكم ... انتو مو مجرد اعضاء بحملة انتخابية ... انتو صرتوا جزء من حياتي و سندي و سند هالأرض
ما أنكر إني خايفه من المستقبل .... لكن وجودكم طمني و راح تظلون مصدر أملي و أمل الكويت بمستقبل افضل

-3-

لأول مره أخوض هالتجربة
لأول مره أكون مندوبة للمرشح بأحد اللجان

كانت تجربة حلوة بالرغم من التعب و حرقة الأعصاب و اليوع و برد التكييف

(أسرى مو مناديب)
خصوصا لمن يكون القاضي شايب ما يسمع ولا يشوف و يعاني من وسواس قهري
تخيلوا ان بدينا الفرز الساعة 9:13 و ماخلصنا الا الساعة 5 الفير و السبب شنو؟؟
السبب ان القاضي مسكين يفرز و يعد ... يحس انه غلط ... يرد يعيد العد من اول ويديد و احنا هذي حالتنا !!! نفرز ونعد و قاضينا يفصل و يعيد!!

و بعد ما عطيته نظرتي التشخيصية اكتشفت انه يعاني من الوسواس القهري

حاولت بكل الطرق و الوسائل اني اساعده و كان جزاي انه يعصب و يقفل علينا باب اللجنه و يمنعنا تكرمون حتى من روحة الحمام

شفتوا اللي يمنعونه من الحمام شيسوي ؟


قــــــبــــــل

بــــــــــــــــــعـــــــــــــــد

بس بالرغم من كل اللي سواه فينا كان من النوع اللي يدش القلب يعني مهما يسوي اشياء تنرفزني كنت اضحك و احبه اكثر

كوني العلامة الفاصلة في سجل تاريخ الكويت

تحديث

وداعاً ... سعد العبدالله

عظم الله أجركم

******************

16 مايو

يوم خالد في سجل تاريخ الكويت

تجلت فيه إرادة الشعب باستكمال مقومات الديمقراطية عندما صوت مجلس الأمة بالموافقة

على مشروع قانون يمنح المرأة حقها السياسي

بخوض الانتخابات البرلمانية ترشيحاً و انتخاباً

و ها نحن نحتفل هذه الأيام بالذكرى الثالثة

لاقرار الحق السياسي للمرأة الكويتية

و قد تزامن هذا الحدث مع عرسنا الديمقراطي الذي أبينا إلا ان يكون

(الأمل)

شعارنا فيه

و هذه دعوة لكِ لتشاركينا الأمل

و لتعيدي معنا البسمة على شفاة الوطن

تذكري

أسرار القبندي...سناء الفودري...وفاء العامر و غيرهم الكثير ممن كانوا يؤمنون

بأن للكويت غد أفضل

و اجعلي

سناء اسرارك يضيء طريقنا وفاءاً للكويت و أهلها يوم 17 مايو