مخاطبة روح رجلٍ رحل

الحب

الخير

الوطن

الاستقلال

الحريه

الديمقراطيه

الدستور

كل هالكلمات لها معنى واحد !!

إي.. لها معنى واحد في معجمنا احنا الكويتيين

كل هالكلمات معناها

عبدالله السالم

يبه .. ما عاصرت زمانك .. لكن كل شي حواليني يتكلم عنك

يوم جلوسك
تخلد من بين سائر المناسبات و الشخصيات

لانك حبيت الكويت... و حبتك

لانك حبيت شعبها .. و حبوك

لانك اعطيتنا اغلى هدية ... الاستقلال و الدستور

الدستور اللي كفل لنا الحرية

الدستور اللي يعطينا الامل بكويت أفضل

يبه ... نام قرير العين ...

انت رحلت لكنك تركت هالارض و الدستور بيد اشخاص تقدر هالنعمه

اشخاص جندوا نفسهم و مالهم و اعيالهم دفاعا عن هالارض و دستورها

يبه انت تركت الكويت امانه بيد اعيالها المخلصين

انت تركتها بيد
اسرار القبندي
احمد قبازرد
سناء الفودري
خالد الأيوب
عبدالله الخالدي

و غيرهم الكثــــيـــــــر

و كانوا خير مثال للتضحيه

و تطمن يبه ... الكويت للحين فيها آلاف المخلصين امثالهم

و ابيك تكون واثق من شي واحد

التاريخ ما خلد عبدالله السالم ... بل عبدالله السالم هو من جعل للتاريخ معنــــــــى

كل عام و ارضي بخير

ارضي اللي احضنت بثراها اطهر الناس