اضطريت أقطع اجازتي الطبية
أنا معصــــــــــــــــــــــــــبه
شنو هذا !!
شنو هذا !!
ناس تتجمع عند مبنى المباحث تبي تكسر قانون الديرة وتطبق قانون القبيلة !!
و الأدهى و الأمر أن معاهم نواب سابقين
نوااااااااب أقسموا على إحترام القانون
اشصاير بالديرة ؟ كل شي بانحدار ماكو شي يفتح النفس !!
لا سياسه
و لا اقتصاد
و لا تعليم
و لا صحة
ولا حتى ريـــــــــاضـــــــه ؟؟
صارلي يومين أمر على قناة الوطن
و أشوف تغطياتهم عن منتخب كرة القدم
ما بقا مكان ما صوروا اللاعبين فيه
ما خلوا ملعب ولا فندق ولا مطعم ولا غرفة الا و صوروا فيها
و طبعا لاعبينا اعيال
(السبايكي والجل)
كانو وايد طموحين و كلهم توقعو الفوز 2 - صفر على أقل تقدير
عاد أنا انغريت قلت بطالع هالمباراة الخطيرة
قلت يمكن ضميرهم صحا و يبون يلعبون هالمره علشان الكويت مو علشان نفسهم
تــــــــــــــوني قاعده
قــــــــــول !!
ما مداني استوعب صدمة القول الأول جان إيي القول الثاني !!
شسالفه !!
و المعلق يخلق لهم اعذار عجيبة غريبة من نوع
الهوا ضدهم
اللاعبين بالفريق الآخر بنيتهم أكبر
مو باقي الا يقول
الجل اللي حاطينه مو زين
الغدا مثقل على جبودهم
و لا القولجي
الدنيا كلها بصوب و قولجينا بصوب
جنه اذا شاف الكره يحوشه عقر بقر
عيـــــــــب
و الله عيـــــــب
على أرضكم ... و بين جمهوركم و إييبون عليكم قوليـــــــــــــــــــــــــــن بأقل من 6 دقايق ؟؟
لــــــــــــــــــيــــــــــــــــــــــش ؟
والله إاللي يلعبون بالبراحة أحسن منكم
ماااااااااااااااااااني مكملة المباراة … ماااااااااااااااااااابي اطالع و انقهر اكثر
اففففففففففففففففففففف
احترقت اعصابي
الظاهر
الظاهر
والله أعلم
ان انا و ربعي نلعب أحسن من الجماعة
فمن هذا المنطلق أطالب بفريق كرة قدم نسائي يمكن يبيضون ويهنا
و يا الطبطبائي إياني و إياك اتبطل حلجك
مقتطفات من آخر مباراة
عاشت قولجيتنا أم أحمد
:)
و مهاجمنا
SOOOR el Q8
بس اشدعوة شنو هالشوته !!
كرة قدم و لا باليــــــــــه؟؟
تمريرات عجيبة و مراوغة
حصلت لي عرجوبه قبال القول و للأسف الحكم ما عطانا بلنتي
:(
dearkuwait
و
SOOOR el Q8
معصبين عالحكم
:p
محاولات حثيثة لإنقاذي
اخواني...أصدقائي
أعتذر عن طمس معالم ويوهكم حفاظاً على الخصوصية
و أخاف يخطفونكم مني أحد النوادي العالمية
:P
