قبل 24 سنة ... كانت اجواء الهدوء تسود بيتنا و حس الاطفال شبه غايب عن امي و ابوي و اخوي اللي صار عمره 10 سنين...انولدت انا في ظل هالاجواء ...
الكل كان متلهف لوجود طفل بالبيت فما تتخيلون كم الدلال و الدلع اللي تتلقاه اول بنت طال انتظارها 10 سنوات
بالرغم من هالدلال الا اني كنت احس بالوحده ... البنات بعايلتنا اما اكبر مني بوايد او اصغر ...
أخوي حبيبي كان يحاول يعوضني و يلعب معاي ... لكن بالنهاية كان يمل و نرجع نلعب كرة قدم و مقصي و اتًيل مع اصبيان الفريج ... حاولت اساحلهم و اخليهم يلعبون معاي بألعاب البنات لكن كل محاولاتي باءت بالفشل.
و اهني تعالت عندي المطالبة الشعبية بوجود اخت لي بالبيت
ابي اخت
ابي اخت
و بغيت اعتصم بساحة الارادة علشان اييبون لي اخت
و اخيرا ... في صيف 1990 عرفت ان الله راح يرزقنا في بيبي بعد 8 شهور ..
و صار الغزو الله لا يرده ... كنت خايفه عالكويت ... و خايفه على هالبيبي
في كل مرة كانت تراجع امي فيها الطبيب... كنت اروح معاها....ما تطلع الا و ريلي على ريلها..كنت احب اسمع اخبار هالبيبي من امي بعد ما تبسط لي كلام الدكتور اللي فيه مصطلحات ما افهمها...
كنا نشوف الوان و اشكال من الجنود العراقيين بطريجنا من و الى المستشفى بس ماكانوا هاميني لان كل القصص الي سمعتها و انا صغيرة كانت تنتهي بانتصار الحق و كان عندي ايمان بالرغم من صغر عمري ان هاليوم ياي.
صار التحرير و فرحنا ... و بوسط دخان الآبار و فرحة الناس انولدت اختي
في مثل هاليوم انولدت اختي
dearkuwait
dearkuwait
من كثر فرحتي جيرانا اعرفوا ان امي يابت بنت من صراخي و انا انادي يدتي
(يـــــــــدتـــــــــــــــــــي...أمـــــــي يــابــــــت لـــــــي اخــــــــــت)
كل عام و انتي بخير ....
ترا صج كنت ابي اخت علشان العب معاها و انا صغيره .... بس الحين انتي تدرين انج مو بس اختي ...
انتي اختي و صديقتي و الصدر اللي ارتمي فيه لي تضايقت
انتي اللي كنت انومها بحضني قبل 17 سنة و اناغيها و اغني لها و الحين انام بحضنها
انتي اللي تشاركيني اهتماماتي...
انتي البنت العاقله الوطنية اللي افتخر فيها جدام كل الناس
انتي اللي افكر معاها بنفس الفكرة و بنفس الوقت
انتي اللي تفهميني من نظراتي و من غير ما اقول ولا حرف
انتي الضحكه..
انتي اللي اتمنى انج تكونين احسن الناس و احسن مني بعد
لا تزعلين مني اذا عصبت من غير قصد بيوم او ضايقتج ... انتي تدرين ان احنا مالنا غير بعض
عسى يخليج و اشوفج
انتي اللي كنت انومها بحضني قبل 17 سنة و اناغيها و اغني لها و الحين انام بحضنها
انتي اللي تشاركيني اهتماماتي...
انتي البنت العاقله الوطنية اللي افتخر فيها جدام كل الناس
انتي اللي افكر معاها بنفس الفكرة و بنفس الوقت
انتي اللي تفهميني من نظراتي و من غير ما اقول ولا حرف
انتي الضحكه..
انتي اللي اتمنى انج تكونين احسن الناس و احسن مني بعد
لا تزعلين مني اذا عصبت من غير قصد بيوم او ضايقتج ... انتي تدرين ان احنا مالنا غير بعض
عسى يخليج و اشوفج
مهندسه مثل ما تبين أولا
ً و عروسة مع ريال يستاهلج ثانياً
